Eraikinak berritzea eta eraikuntza berriko prestazioez hornitzea du helburu zerbitzu berriak, betiere iraunkortasuna,
energia-eraginkortasuna eta inbertsioaren errentagarritasun ekonomikoa kontuan hartuta, Euskadiko Kutxako iturriek jakinarazi dutenez.
Energia kalkulatuko dute
Zerbitzuaren barruan sartzen dira eraikinari diagnostikoa egitea, obra-proiektua, aholkularitza energetikoa, berriztapenen finantzaketa eta diru-laguntzen kudeaketa. Gainera, berriztapenaren ondorioz zenbat energia aurreztuko den kalkulatuko da, bai eta inbertsioa zenbat urtetan amortizatuko den ere.
Euskadiko Kutxak finantzaketa ere eskainiko du, "lehentasunezko baldintzetan gainera", %5,95etik aurrerako interes-tasarekin, berme pertsonaleko maileguetan. Baldintza horiek LKS enpresak egindako proiektuetan baino ez dira aplikatuko, eta baldintzok abenduaren 31 arte egongo dira indarrean.