Europako Batasunaren Petrolioaren Buletinak emandako datuen arabera, Aste Santuan hartu zen batez besteko salneurria (1,3 euro litroko) gainditu du erregaiak azken astean, eta 1,381 euroko salneurria hartu du. Horrela, 11. aldiz garestitu da segidan. Otsailaren 28an gainditu zuen lehenengo aldiz 1,3 euroko salneurria.
Gasolioak orain bi aste izan zuen urteko salneurririk handiena (1,3 eurotik gora), baina orain zertxobait merkeago dago: gaur, 1,270 eurotan saltzen da Debagoienean. Maximo historikoa 2008ko uztailean izan zuen: 1,329 euro litroko. Hala ere, urteko 1. hiruhilabeteko salneurriaren gainetik dago oraingoa: 1,237 euro kostatzen zen orduan litro bakoitza, batez beste, Hiru garraiolarien sindikatuaren datuen arabera.
Herririk herri eta saltokiz saltoki dituzten prezioak Espainiako Industria Ministerioaren webgune honetan kontsultatu daitezke une oro.