goiena.eus

Lazpiur: "ETAk iraultza zerga bertan behera utzi izana da inbertsiorik onena"

  Ekonomia  Debagoiena

ETAk iraultza zerga bertan behera utzi duela adierazi die Nafarroako enpresa buruei. Nafarroako enpresa buruen konfederazioko presidenteak eta Confebaskeko iturriek esan dute ohar bat jaso dutela eta oharrak dioela neurri hori su-etenaren ondorioa dela.

Confebaskeko presidenteak Goienari egindako adierazpenetan iraultza zerga kentzea berri pozgarria dela adierazi du. Lazpiurren esanetan, "Gaur egun bizi dugun egoerarekin oso albiste ona da. Enpresa buruok lan egiterakoan izan dugun ardura hori kentzea berri oso pozgarria da. Enpresari bezala, bakeak aurrera egiteko gure eskuetan dagoen guztia egingo dugu. Momentu honetan ez dago hau baino inbertsio hoberik. Gauzak betirako konpontzeko politikariei etorkizunera begira ikuspegi zabala izan dezaten eskatzen diegu."

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa