Bergarako udaltzain buru Alfonso Alonsok jakinarazi du lapurrak etxeetara joaten direla esaten umeak adoptatzeko, herrialde txiroetan ikastetxeak eraikitzeko edo bestelako elkartasun proiektuak aurrera ateratzeko sinadurak batzen ari direla. Sinatu ostean, NAN zenbakia eskatzen dute; gehienek buruz badakite ere, banako batzuk daude karneta begiratu beharra izaten dutenak, bereziki pertsona nagusiak. Diru-zorroa ateratzean aprobetxatzen dute lapurtzeko.
Horren aurrean, Alfonsok gomendatu du horrelako kanpaina baten alde sinadura eskatzen joaten diren bakoitzean, udaltzaingoarekin harremanetan jartzeko, esandako kanpainaren egiazkotasuna konfirmatze aldera.