Gipuzkoako klasikoak, beste behin, Euskal Herriko eta estatuko ziklista onenak batu zituen zapatuan Zumaian. Eta Iker Eskibel eskoriatzarra izan zen gureko ordezkari onena (03:08:22), selekzioetan zeuden ordezkarien artean sailkatu zelako sailkapenean, euskaldunen artean laugarren onena izanda. Bergarakoen artean, berriz, Lokatza-Sumofic taldeko onena, Hodei Orobengoa izan zen, 54. postuan (03:10:12). Lasterketan onenak, berriz, Andaluziako selekzioko kide Jose Cobos eta Alejandro Rienda izan ziren. Eta, Madrilgo Cristian Perdiguero izan zen hirugarrena.
Errepideko bizikletarekin jarraituz, JMAko infantilek Elgoibarren korritu zuten, eta JMA taldeko kadeteek Eibarren. Hala, lasterketa horretan JMAko Danel Sagasta lehenengo hemugaratu zen.
Mendikoan, Aranburu podiumera
Domekan, berriz, Alex Aranburu eta Jon Ander Kortabarria Erandioko Akarlanda parkean egin zuten mendi bizikletako lasterketan izan ziren, eta Aranburu podiumeko hirugarren postura igo zen.