Emakumeen igoerako derbian arrasatearrak gailendu ziren (4-1). 28. minuturako hiru gol egin zituzten Lidek, Vanessak eta Maitanek. Arizmendiko Susanak murriztu zuen errenta 55. minutuan, baina ezin izan zuten askoz gehiago egin. Taniak area kanpotik egindako jaurtiketa batekin sartu zuen laugarrena. Partiduko argazkiak hemen.
Igoera fasea bukatzeko partidu bakarra falta da, eta bi taldeek bestelako helburuak dituzte: Mondrak finalerdiak prestatu, eta Arizmendik irabazi, Hirugarren Mailan jokatzeko. Arrasatearrek Mariñoren kontra jokatuko dute finalerdia Mojategin. Irabaziz gero Zarautz-Eibar partiduko irabazlearen kontra jokatuko dute finala.
Bestalde, Arizmendik, Hondarribiaren kontra irabazi egin beharko du datorren denboraldian Hirugarren Mailan jokatu nahi badu. Almenen jokatuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.