Arratsalde parteko lehen orduan neurtutako tenperaturak dira horiek, 14:00etatik 15:00ak bitartean hartutakoak. Deigarria da, baita ere, tenperaturen batez bestekoa: 19,4 gradukoa izan zen altuena, Arrasaten.
Hezetasun izugarria
Eta beste datu bat aipatzearren, giroko hezetasunean ere maximo historikoak neurtu zituzten atzo. Altuena Oñatin neurtu zuten: %106, 08:30ean; Oletan %100 hezetasuna neurtu zuten, 08:00etan, Urkulun %97koa eta Arrasaten, %96koa.
Gaur sanoago
Gaurko eguraldi iragarpenari dagokionez, udako giro sargoria espero da, Euskalmeten iragarpenaren arabera. Dena den, hego-haizea aurreko egunean baino ahulago ibiliko da, arratsaldean brisa altxatuko da itsasotik eta horri esker tenperatura ez da horrenbeste igoko, eta arratsaldean giro sanoa espero da.
Edozelan ere, tenperatura altuak espero dira gaur ere, izan ere, Arrasaten 29 graduko maximoak espero dituzte.