Bidaiariek orain arte moduan egin behar dute ordainketa txartelarekin, eta sistema bera arduratzen da bidaia guztien artetik garestiena bakarrik kobratzeaz.
Gipuzkoako Foru Aldundiak jakinarazi du funtzionamendu berri honek 387.000 bidaietara ekarriko dituela onurak. Urteko, 288.000 euroko defizita eragingo du eta Diputazioak hartuko du bere gain.
13 konpainia daude Lurraldebusen barruan eta, orain arte, aldaketa konpainia bereko autobusen artean egiten zuten erabiltzaileak soilik baliatzen ziren abantaila honetaz. Jada, baina, hori ez da ezinbesteko baldintza: apirilaren 1etik, helmugara heltzeko konpainia ezberdinetako autobusak hartu behar izanez gero, aldaketak doakoak dira; bidaia bakoitza ordaindu beharrean, bakarra ordaintzen da, guztien artetik garestiena. Aldaketa, hori bai, 45 minutuko epearen barruan egin behar da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak