"Euskal Herriko sozietate handi oparoa" izeneko erreportajean, The Guardian-eko kazetariak elkarte gastronomikoak edo txokoak, batetik, eta Arrasateko esperientzia kooperatiboa, bestetik, aintzat hartzen ditu Euskal Herria irakurle britainiarrei aurkezteko.
Kooperatibetaz idazten duenean, zera esaten du: "Espainian langabezia %20koa da, baina Euskal Herrian, horren erdia".
"Euskal Herriko arrakastarik handiena, duda barik, Mondragon da, orain 50 urte sortua eta gaur egun Espainiako zazpigarren enpresa-talde handiena dena".
Mikel Lezamizen hitz batzuk ere sartzen ditu: "Lezamizek dio kooperatibek geldialdiak hobeto kudeatzen dituztela, bazkideek ez dutelako soldatarik jasotzen. Kooperatibak irabaztea espero duenaren aurrerapen bat jasotzen dute; hortaz, zenbat eta hobeto joan, orduan eta gehiago irabazten dute. Ez ditugu sindikatuak behar, langileek badakitelako irabaziak txikitu egiten direla euren irabaziekin ere berdin gertatuko dela".
Kazetariak honela jarraitzen du: "Langileen boterearen beste aldea da soldaten berdintasun harrigarria. Taldean gehien ordaintzen zaion buruak, Euskadiko Kutxako buruak, iaz 112.000 euro jaso zituen -zortzi aldiz Mondragon Taldearen gutxieneko soldata. Horren aldean, Britainia Handiko 100 enpresa handienetako batez besteko soldata handiena da gutxieneko soldataren 200 halako".
Erreportaje osoa irakurtzeko (ingelesez): http://www.guardian.co.uk/world/2011/mar/30/basque-country-big-society-spain