Aireporturako zerbitzuari dagokionez, egunean lau autobus aterako dira Eibartik Loiura: 06:10, 10:10, 14:40 eta 18:10. Loiutik Eibarrera, berriz, 07:00etan aterako da lehenengoa, 11:30ean hurrengoa eta 15:30ean eta 20:30ean izango dira arratsaldekoak. 7:30 euro kostako da txartela.
Debagoienetik Donostiara
Kostalderako zerbitzuei dagokienez, berriz, bi autobus bizkor aterako dira astelehenetik egubakoitzera, Eskoriatza eta Donostia artean. Bata 12:15ean eta bestea 19:15ean. Honako ibilbidea egingo dute: Eskoriatza-Aretxabaleta-Arrasate-Bergara-Donostia.
Eta beste zerbitzu bat ere izango da egunero, baina herri gehiagotik pasatuko da eta horren ondorioz iraupen luzeagoa izango du bidaiak. 13:15ean aterako da, eta honako ibilbidea izango du: Eskoriatza-Aretxabaleta-Arrasate-Bergara-Soraluze-Elgoibar-Donostia.
Kostaldetik etxera
Donostiatik Eskoriatzara, berriz, 11:00etan eta 12:00etan aterako dira bus azkarrak, eta 18:00etan aterako da azkena, Zarauztik pasako dena. Bueltako autobus horiek geralekua ere izango dute Bergaran, Arrasaten eta Aretxabaletan.
