Hauek izan dira Arrasateko Abaroa elkartean jokatutako Debagoieneko txapelketako irabazleak: xakean, Bergarako San Joxepeko ordezkariak; billarrean, Abaroa bertakoak; dominoan, Oñatiko Pake Lekuko kideak; punttoan, Antzuolako Landa Txopekoak; briscan, Leintz Gatzagako Toki Ederrekoak; musean, Arrasateko Uribarrikoak; eta tutean, Abaroakoak.
Gipuzkoako erretiratuen arteko mahai-joko txapelketak bere bidea jarraitzen du honela. Arrasaten garaile izan direnek Legazpi, Zumarraga eta Urretxuko ordezkarien kontra jokatu beharko dute orain. Hor garaile ateratzen direnek Goierri eta Tolosaldekoen kontra.
Txapelketaren beste adarrean Gipuzkoako beste lau eskualdeetako erretiratu elkarteetako kideak ari dira lehian. Debagoieneko adarreko onenek beste adarreko onenen kontra jokatuko dute azkenean finala, Donostian.