Hilketa martxoaren 12an gertatu zen, bien bizilekuan, Bergarako San Antonio kalean. Eztabaida baten ondoren, hainbat labankada eman zizkion D.F.G.-k Miguel E.R.ri. Izara batean batu zuen haren gorpua eta leihotik behera bota, errekara. Ikerketa iturrien arabera, etxea garbitzen ahalegindu zen, arrastorik ez uzteko eta ihesari eman zion ostean.
Muga inguruan
Ezkutuan ibili zen martitzenera arte D.F.G., harik eta Ertzaintzak Irunen lokalizatu zuen arte. Muga inguruan harrapatu eta atxilotu zuten, Santiagoko zubi inguruan, eta gaur arratsaldean sartuko dute Martuteneko kartzelan.