Aurten, ebakuntzak egiteko eskaerak %3 handituko direla aurreikusi du Osakidetzak eta horrek eragingo du, besteak beste, ebakuntzak egiteko gehiago itxaron beharra. Eskaerak gehitzeko arrazoietako bat da gaixo arin gehiago dagoela ebakuntza egiteko zain, orain lehenago diagnostikatzen dituztelako mota horretako gaixoak.
Bihotzekoak eta beste, gutxien
Atzerapen handienak izaten dituzten ebakuntza motak honakoak izaten dira: barizeak kentzekoak eta oftalmologiarekin eta traumatologiarekin lotutakoak; atzerapen txikiena, berriz, ebakuntza kardiobaskularrek, toraxekoek, bihotzarekin zerikusia dutenek, urologiarekin lotutakoek eta umeenek izaten dituzte.
2010eko datuen arabera, ospitale gehienetan gutxitu egin zen itxaroteko epea, Mendaroko eta Zumarragako ospitaleetan izan ezik.