Euskaldendako presidente Bitor Lizarribarrek gaur azaldu duenez, 100 komertzio horiei ziurtagiria ematea erabaki dute ugazabek euren komertzioak UNE 175.001 arauari egokitzeko formazio eta egokitzapen prozesu bat egin ondoren. Prozesu hori Euskaldendak fundazioak antolatu du, eta Jaurlaritzak diruz lagundu du.
Euskaldendak fundazioak Euskadiko 4.200 komertzio eta ostalaritza zerbitzu batzen ditu.
Ermuan, domekan
Ermua antzokian banatuko dituzte ziurtagiriak. 200 lagunetik gora joango dira, tartean Eusko Jaurlaritzako eta Euskaldendetako ordezkariak, merkatariak eta hainbat alkate. Adibidez, Pilar Zorrilla Merkataritza sailburuordea han izango da.
Errekonozitutako komertzioen jatorria hau da: Arrasateko lau, Bergarako bi, Gasteizko 18, Basauriko eta Zumaiako 16, Hernaniko 14, Legazpi eta Orioko zortzi; Lasarteko, Errenteriako eta Zumarragako hiru; Durangoko bi; eta Urretxuko, Donostiako eta Andoaingo bat.