Erabaki horren aurrean finantza-entitaeetako batzuk hartu dute erabakia. Euskadiko Kutxak ez du aitorpen telematikorik egingo. "Akordioa bukatutzat eman badute, guk ez ditugu bezeroen datu fiskalik izango. Eta datu horien faltan ezingo dugu aitorpenik egin", esan digu Arrasateko Iturriotz kaleko bulegoko zuzendari Iñaki Goñik. Esan digu baita ere, euren bidez errenta aitorpena egiten zuten bezeroei gutun bana bidaliko dietela egoeraren berri emateko. "Ez dugu aitorpenik egingo, baina gure bezeroei aholkularitza fiskala ematen jarraituko dugu".
Kutxak, kobratuta
Kutxak ere erabakia hartu du: aitorpenak egiten jarraituko dute, baina kobratu egingo dute. "Erabaki honekin ezin ditugu aitorpen telematikoak egin. Baina, egin egingo ditugu. Hori ba, prozesua luzeagoa denez, kobratu egingo dugu. Zerbitzu hau egitearren merkatuan dauedn prezioen azpiko tarifak aplikatuko ditugu", esan digu Kutxako prentsa arduradun Xabier Zabaletak.
Arrasateko Gipuzkoako Banketxeko bulegoan esan digute eurek ez dutela errenta aitorpenik egingo. Aldiz, Rural Kutxako Oñatiko eta Arrasateko bulegoetan galdetu dugu, eta oraingoz, jakinarazpenik jaso ez dutela esan digute.