Gertu dituzte EAEko diputazioek 7 eta 13 urte bitarteko gaztetxoei zuzendutako udalekuak. Aurten, 5.000 plaza eskainiko dituzte, 13 gunetan: Araban, Barria eta Zuhatzan; Bizkaian, Gorliz, La Arbolera, Lauaxeta, Lurraska eta Urduñan; eta Gipuzkoan, Hondarribia, Orio, Zarautz, Segura eta Zestoan.
Zabalik dago izenematea, eta martxoaren 23an bukatuko da. Plaza guztiak apirilaren 5ean jendaurrean eta notarioaren aurrean egingo den zozketan banatuko dira. Udalekuen gaineko informazio gehiago gura dutenak www.gipuzkoa.net/oporraldi webgunera sar daitezke.
