Apirilaren 14an pasako da Korrika17 Debagoienetik eta egingo dituen 73 kilometroak salgai daude gaurtik, martxoak 7. Udaletxe eta lantegi handiendako 500 eurtoan eta gainerakoendako 400 eurotan. Kilometroak erosteko bideak:
- E-postaz: korrika17debagoiena@gmail.com.
- Telefonoz: 943 79 03 69 (Arrasateko Erdu AEK euskaltegia).
Mendi irteera eta kabareta
Herriz-herriko korrika batzordeak ari dira korrika kulturaleko hitzorduak antolatzen eta lotzen. Bertso-afariak, poteoa ... dira ideietako batzuk. Arrasaten egingo dituzten ekintza batzuk lotuta daude, esaterako:
- Apirilak 10: mendi irteera eta Sekula bai izeneko kabaret ikuskizuna
- Apirilak 12: euskarazko film laburren emanaldia Kulturaten
- Apirilak 14: ongietorria Korrikari San Isidron, 18:00etan ekitaldi sorpresa herriko plazan eta iluntzean Goseren kontzertua gaztetxea
Aldaketak ordutegian
Bestalde, aldaketak egon dira ordutegian. Korrika pasako da Debagoienetik apiralen 14an:
- Elgetara iritsiko da (Elorriotik) 05:15ean (Angiozarrera eta handik Bergarara)
- Bergarara, 06:26an Arrizuriagan (handik Antzuolara)
- Oñatiko plazan (Udanatik dator) 10:20an
- Arrasaten, 11:25ean Musakolan (Aramaiora, Aretxabaletara, Eskoriatzara)
- Eskoriatzan, 14:30ean Marulandan (handik Gatzagara eta gero Arabara)
Xehetasun guzti hauek Maite Illarduiak eman ditu Arrasate Irratian, Debagoieneko arduradunak. Entzun Arrasate Irratian esan dituenak.