Debagoienean, otsaileko zifra urtarrilekoa baino hobea da, beraz, baina ez da oso ona. Izan ere, urtarrila alde batera utzita, 2010eko maiatzera arte egin beharko genuke atzera aurtengo otsaileko datua baino okerragoa topatzeko.
Herriz herri, soilik Bergaran eta Elgetan egin du gora langabe kopuruak; Antzuolan mantendu egin da; eta gainerako herrietan –Aretxabaleta, Arrasate, Eskoriatza, Leintz Gatzaga eta Oñatin– behera egin du.
Hego Euskal Herriko lau lurraldeetan gora egin du langabeziak; Bizkaian gehien eta Gipuzkoan gutxien. Sektoreen artean, zerbitzuena izan da zigortuena.