Elgetan bizi den Alizia Gartziaren lanak irabazi du Bideberri Mankomunitateak antolatu duen kartel lehiaketa. Txuri beltzean egindako lana da eta Elgetako beste bi herritar agertzen dira kartelean.
Bi erakusketa
Martxoaren 8a dela-eta, bi erakusketa izango ditugu egunotan ikusgai Espaloian. Lehenengo, hilaren 4tik aurrera, ludotekako umeek egindako marrazkiek osatuko dute. Hilaren 16ra arte egongo dira marrazkiak ikusgai. Egun horretan Bideberriren kartel lehiaketara aurkeztutako lanek hartuko dute lekukoa. Hilaren 28ra arte egongo dira ikusgai hamar kartel horiek, tartean Alizia Gartziarena.