Euskalmeten, eguraldiaren euskal agentziaren iragarpenaren arabera, gaur ez da aldaketa handirik gertatuko eguraldian. Hotz egingo du berriro eta goizean elur-kota 600 metro inguruan kokatuko da, hala ere, eguerdian zertxobait igo eta 700-800 m-ren bueltan ibiliko da.
Hori bai, prezipitazioa gutxitu eta, oro har, urria izango da.
Bihar, hobera
Bihar, berriz, giroak poliki-poliki hoberantz egingo du. Prezipitazioa gutxitu egingo da eta elur-kota egunak aurrera egin ahala igotzen joango da. Goiz partean 600 m-ren bueltan egongo da eta azken orduetan 800 m-tik gora kokatuko da. Tenperatura maximoak apurka-apurka igotzen joango dira; nahiz eta barnealdean ez diren 5-6ºC-ak gaindituko.