Goizean ia etengabe eta momentu batzutan indar handiz egin du euria. Arrasaten, adibidez, goizeko 6etatik 11:00etara bitartean 12 litro bota ditu metro koadroko.
Neguko Bidezaintza Plana
Astelehen honetako lehen orduan, Neguko Bidezaintza Plana aktibatu du Trafiko Zuzendaritzak, klimatologiaren okerragotzearen eraginez. 600-700 metro inguruan kokatzen da kota, hala ere, 500 metrora jaitsi daiteke.
Euskadiko Trafikoa Kudeatzeko Zentrotik zuzentzen ari da Plana, zirkulazio eta errepide zerbitzuetan lan egiten duten instituzio eta organismoen artean koordinazio eta eraginkortasunik handiena bilatuz. Herrizaingo Saileko Trafiko Zuzendaritza, Hiritarren Segurtasunerako Zuzendaritza eta Larrialdiei Aurregiteko Zuzendaritza, Foru Aldundietako Errepide Zerbitzuak eta autobideetako emakidadunak daude neguko denboraleei aurre egiteko programa honetan. Euskalmet Euskal Meteorologia Agentziaren aholkularitza ere badute.
Gidariek Eusko Jaurlaritzako Trafiko Zuzendaritzak abian jarritako 902 112 088 telefonoan jaso dezakete trafikoari buruzko informazioa, baita Trafiko Zuzendaritzaren webgunean ere: www.euskadi.net/trafikoa