Debagoienean, 600 lagun inguruk dute bozka eskubidea gaur. Hor daude Hezkuntza Sailaren mende dauden zentroetan diharduten langileak, irakasleak zein bestelako guztiak. Ordezkariak Euskadi osorako aukeratzen dira; hau da, Debagoieneko langileek ez dituzte euren ordezkari propioak izango.
Euskadin, 32.000 langile daude bozkatzera deituta. Datozen lau urtean izango dituzten ordezkariak aukeratuko dituzte. Honako hautagaitzak dituzte: CCOO, STEE-EILAS, LAB, ELA, UGT eta CSIF. Gipuzkoan, 10.408 lagunek osatzen dute zentsua.
Orain azkeneko hauteskundeetan, deitutako langileen %55,19ek eman zuten botoa. Alderdi bozkatuena CCOO izan zen (botoen %31,13, 31 ordezkari), baina gehiengo sindikala izan dute STEE-EILAS, LAB eta ELAk, botoen %60,80ekin.