Ikastaro honetan Bidezko Merkataritzaren jatorri, ibilbide eta funtsezko oinarriei buruzko ikuspegia eskainiko da. Prestakuntzak Hegoaldeko ikuspuntua sartzen du, eta honekin batera hango erakundeak, baita esperientziak ere. Prestakuntzaren bidez Bidezko Merkataritzaren inguruko hausnarketa-gune bat sortu nahi dute.
Prestakuntza Internet bidez izango da eta ariketa dinamikoak egingo dira, adibidez: ikus-entzunezkoak emango dira, foroan Mexikoko komunitate bateko emakume bati elkarrizketa egingo zaio, eta web orriak bisitatuko dira.
Edukiak hauek izango dira:
- Bidezko Merkataritza: zer den, bere irizpideak, erakundeak eta ziurtagiriak.
- Bidezko Merkataritza eta bertako ideia.
- Bidezko Merkataritzaren garrantzia Ekonomia Solidarioan.
- Bidezko Merkataritza eta Generoa.
Gai guztiak ikusi ondoren Mexikoko emakume bat elkarrizketatuko dute foro batean. Caritasek Mexikoko erakundearekin lan egiten du eta emakume honek bere bizimodua eta Bidezko Merkataritzari buruz duen
iritzia kontatuko du.
Hilaren 25ra arte
Matrikula egiteko epea gaur, hilak 14, irekitzen da, eta hilaren 25ean itxiko da. Ikastaroa martxoaren 7tik apirilaren 16ra arte izango da. Emaus Gizarte Fundazioko Iratxe Borrajo Monzok emango du.
Parte-hartzaileek ordenagailua, Interneterako sarbidea, Interneten oinarrizko ezagutza eta helbide elektroniko bat izan behar dute.