Gantzagako Hatxetan gertatu da istripua, arratsaldeko 15:20 aldera. 38 eta 27 urte dituzte zaurituek. Gazteena herrikoa da; bigarrena kanpokoa, baina Aramaion mediku diharduena. Berak hartu du minik gehien. Harriak buruan jo du eta konortea galduta egon da zenbait denboraz. Bere lagunak izter inguruan hartu du min.
Santa Kruz apaizaren kobatik gertu, beheraxeago, izan da istripua; eskalatzaileak 60 metroko altueran zintzilik zeuden, eta horrek zaildu egin du erreskatea. Ertzaintzaren helikopteroa ere erabili behar izan dute. Suhiltzaileak eta anbulantzia medikalizatua ere bertaratu dira Gantzagara. Jaurlaritzaren Larrialdietarako Zuzendaritzak koordinatu du erreskatea. 20:30ak aldera amaitu dute erreskatea, eta zaurituak Gasteizko Santiago eta Txagorritxu ospitaleetara eraman dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.