Hego Euskal Herria esparru izango duen Sortu alderdia aurkeztu dute, Bilbon. Aurkezpenean ezohiko eragile sozialek parte hartu dute; ezohikoek baina ezagunek, eta tartean ibarreko ordezkaritza ere izan da: Karmele Agirregabiria, Leintz Udal Euskaltegiko zuzendaria. Harekin batera, aurkezpenean parte hartu dute Iñaki Zabaleta EHUko irakasle eta katedradunak; Maider Etxeberria geologian doktoreak; Edu Brugos sindikalistak, Esther Hernandorena irakasleak eta Sonia Respaldiza administrariak.
Alderdi berriaren gainean galdetu diegu herritarrei:
Berriak argitaratutako informazioaren arabera, Agirregabiriaren esanetan, Sortuko kideek ETAren biolentzia errefusatu beharko dute, izan ere, alderdi berriak ETAren biolentzia “erabat eta behin-betiko” desagerrarazi dadin bere ekarpena egin nahi du.
Independentzia eta euskara izango ditu ardatz alderdi berriak eta sozialismoa erreferente. Hala, demokrazia parte-hartzailea bultzatuko duela iragarri dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.