Lehenengo minutuetan bergararrak izan ziren nagusi, eta behin baino gehiagotan lortu zuten UDAren atera hurbiltzea. Hurbildu bai, baina ez zuten jakin izandako aukerak aprobetxatzen. Partiduak aurrera egin ahala, aretxabaletarrek ere neurria hartu zioten partiduari. Hala, bigarren zatian eurak izan ziren baloiaren jabe lehen minutuetan behintzat. Ahaleginak ahalegin baina, bi taldeetako inork ez zuen lortu baloia aurkariaren sarean sartzea. Partidu beroa izan zenaren seinale izan ziren epaileak ateratako zazpi txartel horiak: bi Bergarari eta bost UDAri
Berdinketaren ostean, bi taldeek orpoz orpo jarraitzen dute: UDAk 34 puntu ditu eta Bergarak, 33.