Topagunea euskara elkarteen federazioko kideak hausnarketa prozesu baten murgilduta egon dira azken urtean. Elkarte hauek XXI. mendera egokitu beharra ikusi dute, eta horretarako orain arte egin dutenaren, egiten ari direnaren eta egin gura dutenaren inguruan lanean ibili dira.
Egindako lan guztia borobildu guran, otsailaren 26an Kongresua egingo dute Bilboko Alhondegian. 09:30ean hasiko da berau eta 14:00etan bukatu. Baina egun horretan, lanerako ez ezik, jairako ere elkartuko dira: hiruretan bazkaria egongo da Kafe Antzokian 17 euroren truke, etas ondoren, zazpietatik aurrera, jaialdi berezia.
Ekitaldi hauetan gueztietan parte hartzeko, otsailaren 11a baino lehen eman behar da izena. Horretarako euskara elkarteen egoitzera joan beharko da, edo besteal, Topagunearen webgunera jo.
Debagoienetik Bilbora joateko gainera, autobusa jartzea da asmoa. Aretxabaletatik irtengo litzateke, gero Arrasatera joan eta handik Bergarara.
Parte hartzeko deia
Gaur egin dute otsailaren 26ko egitarauaren aurkezpena Bergaran Debagoieneko hainbat euskara elkartetako ordezkariek. Bertan egon dira Arrasateko AED eta Txatxilipurdiko, Bergarako Jarduneko eta Aretxabaletako Loramendiko kideak. Denek ere Bilboko ekitaldietan parte hartzeko deialdia egin diete bai euskara elkarteetako bazkideei eta baita herritar orori ere.