Krisiari aurre egiten enpresei laguntzeko, eta berrikuntza alorrean sakontzeko neurriak aurkeztu dituzte Olanok eta Guridik. Guztira, 21,8 milioi euro bideratuko ditu Gipuzkoako Diputazioak krisiari aurre egiteko, eta beste 6 milioi euro, 2012an.
Olano ahaldun nagusiak nabarmendu du aurten litekeena dela krisiaren aurkako planeko laguntzetara aurkeztuko diren enpresen profila aldatzea eta, batez ere, enpresa ertain eta txikiak izan daitezkeela laguntzen premia handiena beharko dutenak.
Gipuzkoak langabezia tasa txikiena
Era berean, nabarmendu du, egoera ona ez den arren, Gipuzkoa dela langabezia tasa txikiena duen lurraldea (%7,8). Ez Hego Euskal Herrian eta ezta Espainia osoan ere, ez dago beste lurralderik langabezia tasa txikiagoa duenik.
Guridi gaur Goiena Telebistan
Gaur iluntzean Guridi, Berrikuntzako eta Jakintzaren Gizarteko foru diputatua, Goiena Telebistan egongo da eta planaren gainean jardungo du, besteak beste.