Iazko urte amaieran, jaitsi egin zen jarduna hainbat zatitan, baina erritmoa lehengora bueltatu da atzera ere. Eusko Jaurlaritzak, 2011ko aurrekontuan, 275 milioi euroko partida bideratuko du lan horietara –2010ean baino 50 milioi euro gehiago–, aurreikusitako erritmoan jarraitu ahal izan dezaten.
Debagoienean, une honetan, martxan dauden zatiak dira: Bergara-Antzuola, Arrasate-Elorrio, Aramaio-Arrasate, Eskoriatza-Aramaio, Legutio-Eskoriatza I eta Legutio-Eskoriatza II.
Antzuola-Ezkio Mendebaldea tarteko lanei hurrengo egunetan emango zaie hasiera, eta bailarako beste bi tarte –Bergara-Bergara eta Antzuola-Ezkio Ekialdea– lizitazio prozesuan daude. Behin esleituta, Gipuzkoan, orotara, 13 izango dira lanetan egongo diren zatiak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.