Emakumeak eta gazteak dira pentsioa osorik jasotzeko aukera gutxien dituzten kolektiboak. Lege aldaketaren aurre-akordioarekin desengainua hartu dutela adierazi dute Hirukidetik. Aurrerantzean, haurrak zaintzeko lana behin-behinean uzteko erabakia hartzen duten gurasoei sistemak bederatzi hilabeteko kotizazioa ziurtatuko die haur bakoitzeko, baina topea ipini diote babes horri; gehienez bi urtekoa izan da. “Praktikan, denbora hori lehenengo bi umeak bakarrik hartzen ditu kontuan, eta ez du babesten hortik aurrerako seme-alaben zaintza”, azaldu du Hirukideko zuzendari Natalia Diez-Caballerok. “Bestela esanda, familia ugariak zigortu egiten ditu aurre-akordioak”.
Neurria berraztertzeko eskaera
Hirukidetik hasierako planteamendua kontuan hartzea eskatzen dute; ume bakoitzeko bi urteko kotizazioa eta hirugarren seme -alabatik aurrera. “Gero eta seme-alaba gehiago, gero eta zailtasun gehiago lan merkatura bueltatzeko”, adierazi du Diez-Caballerok. “Ez da logikoa zailtasun gehiago dituen kolektiboa zigortzea”.