Euskadiko Ostalarien Federazioak (Bizkaia eta Arabako ostalariak hartzen ditu, Gipuzkoakoak iaztik ez) tratu diskriminatzailea jasotzen dabiltzala salatuko dute. Tabakoaren Aurkako Legeak bazter utzi dituela diote euren jarduera ekonomikoa kaltetzen dabilelako. Bizi duten egoeraren berri eman gura dute eta horretarako hilaren 27an Bilboko Euskalduna Jauregian protesta-ekitaldi informatiboa egingo dute euren errealitatea azaltzeko. Galerak dituzte, bezero gutxiago, batez ere, gau-giroko lokaletan. Horrekin batera lege berria indargabetzea eskatzeko sinadurak batuko dituzte eta ostalarien artean ere inkesta egingo dute informazioa biltzeko.
Gipuzkoan, Espainiako federazioaren zain
Gipuzkoako Ostalaritza Elkartea ez dago Euskadikoaren barnean iaz utzi zutenetik. Espainiako Federazioak deituko dituen protesten zain daude baina oraindik ez da ez deialdirik, jakin baldin badakite ere, egongo dela.