Egubakoitzean, Oñatiko Santa Ana antzokira joan zirenek 'Vaya Semanita' hiru dimentsiotan ikusteko aukera izan zuten. Hori esanez hasi zuen Andoni Agirregomezkorta aurkezleak antzezlana: "Punta-puntako teknologiari esker, 'Vaya Semanita' hiru dimentsiotan ari zarete ikusten; gainera, betaurreko beharrik izan gabe".
Izan ere, telebistako programak pantaila txikitik antzerkira egin du salto eta egubakoitzean Oñatin izan ziren programako aktoreak saioko une onenak antzezten. Bi emanaldi izan ziren: bata 20:00etan eta bestea 10:30ean. Bietan bete ziren Santa Ana antzokiko 275 eserlekuak, are gehiago, orain dela astebete dagoeneko salduta zeude sarrera guztiak.