Ordutik auzoetako bideetatik ibili behar dute Aramaio eta Debagoiena arteko joan-etorriak egin behar izaten dituztenek.
Eta beste hilabetez behintzat horrela jarraitu beharko dute, berriz ere atzeratu egingo da-eta errepidearen zabaltze data. Urtea bukatzerako behar zuen aurrena, urtarrilean ondoren eta orain berriz otsaila amaieran.
Lurjausia gertatu zen pare horretako lanak aurrera doaz. Zati horretan errekaren beste aldera eraman dute bidea, erreka gaineko zubi gisa bi plataforma jarrita, eta brea botatzeko lanekin ere egun hauetan hasi dira; dena dela, esandakoa, otsaila bukaera baino lehen ez dituzte lanak amaituko.