Orain arte turismo sektoreak izan duen urterik onena, 2007. urtea izan da. 2010ak, baina, 145.000 bidaiaritan gainditu du, hau da, % 7an. Lurraldeka, Arabak izan du hazkunderik handiena, bai sarrerei dagokienez (%22) eta baita ostatu-gauei dagokienez ere (+%25); Bizkaia, aldiz, %11 hazi zen turismo-sarreretan eta %14 ostatu-gauetan; Gipuzkoa %10 turista-sarreretan eta +%7 ostatu-gauetan.
Atzerritarrak gurean
Eustatek atzerritarren sarrera nabarmendu du bereziki. 2010ean bataz besteko hazkundea %18 izan delako. Lehen aldiz, turista atzerritarren kopurua gainditu da 700.000 bisitarirekin.
Bereziki azpimarragarria da Frantziatik datorren turismoaren hazkundea (+%20 hazi da). Ondoren, Erresuma Batuko bidaiariak daude (+%22ko hazkundearekin), Alemania (+%17), Italia (+%13) eta Portugal (+%22). Nabarmentzekoa, azken urtean Iberoamerikatik etorritako turisten hazkundea (+%25).