Egoera antzerakoa iragarri dute datozen egunotarako. Bihar eta etzi (zapatu eta domeka) goizean goizetik igarriko dugu izotz puntu hori, kasu horretan barnealdean bai, baina kostaldera ere zabalduko da, gainera. Arrasaten, adibidez, zero azpitik bi gradu hartu ahal izango ditu termometroak, eta goitik, ez ditu bost graduak gaindituko.
Elurra
Elur arriskuari dagokionez, berriz, laino gutxi iragarri dute zapatuan egunaren zatirik handienerako; gauean, hala ere, baliteke prezipitazio apurra egitea. Kasu horretan, elur kota 100-200 metrotan kokatuko da. Eta maila berean segituko du domeka goiz partean ere, beraz, baliteke elurra egitea. Hala ere, iragarpena da apurka-apurka lainoak gutxitzen joatea, eta beraz, euritarako edo elurretarako joera ere gutxitu egingo da.