Gaurtik domeka bitartean tenperatura gero eta hotzagoa izango da eta domekan elurtuta egongo dira kaleak. Elur-lapatsa izango da, hala ere, ez du arazoak sortzeko beste elurrik egingo Arrasaten, behintzat, Joxe Landaren esanetan. Hiruzpalau egun iraungo du eguraldi horrek.
Joxe Landak Arraste Irratian aurreratu du domekan elurra ikusiko dugula Arrasateko kaleetan. "Ez du asko botako, elur-lapatsa izango da, eta hiruzpalau egunetan horixe izango dugu", esan du Landak irratian. Domekara bitartean, berriz, euririk ez baina hotza bai.
Pello Zabalak ere gero eta hotzago egingo duela iragarri du GOITBn: "San Sebastian egunean ez du euririk egingo baina hotz bai. Datozen egunetarako, hodeiak, euri gutxi eta hotza"
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.