Erabilitako olioa eramateko pote bereziak erabili behar dira. Mankomunitatea halakoak banatzen ibili da etxez etxe egunotan eta dagoeneko banaketa amaituta dute. Hala ere, banaketak arazoak izan dituzte eta bizilagun batzuk pote barik geratu dira. Hala, landa auzoko bizilagunek, zein kalekoek dagozkien herriko udaletxeetan jaso ditzakete poteak.
Kokaguneak, herriz herri
Edukiontziak honako lekuetan ipini dituzte:
Arrasaten: Udala plazan, Garagartzan, Maiatza bata plazan, Zaldibarren, Inazio Zuloagan, Erguinen, Legargainen, Bedoñan, Gesalibarren, Zigarrolan eta Eroskin.
Bergaran: Osintxun, Angiozarren, merkatu plazan, Matxiategin, Zubiaurre kalean, Bolun eta Ibargarai hiribidean (biribilgunean).
Oñatin: Apaolaza kalean, Lizaur kalean, merkatuko biribilgunean, Olakua auzoan eta Portu kalean.
Aretxabaletan: Gernika plazan, Nafarroa kalean eta Otalora kalean.
Eskoriatzan: Santa Ana auzoaren sarreran, Intxaurtxueta auzoan eta Aranburuzabala kalea, 54 zenbakian.
Antzuolan: frontoi bidean.
Elgetan: Berraondokoan.
Leintz Gatzagan: Dorletara bidean.