DKSko finalistak aukeratu dituzte, herritarren saria zure esku

Jon Berezibar 2011ko urt. 14a, 10:05

Epaimahaiko kideek aukeratu dituzte Debagoieneko aurtengo kirolari onenak, eta, aurreko edizioetan moduan, aurten ere buruhauste bat baino gehiago izan dute, bazegoelako non aukeratu. Hala, irabazlearen izena Aramaion egingo duten ekitaldian bertan jakingo badugu ere, antolatzaileek aurten egindako lan ona aitortu nahi izan diete kirolari horiei. Herritarren sarirako oraindik ere eman daiteke botoa.

Finalisten zerrenda

Gizonezkoetan

Emakumezkoetan

Talde onena

  • Beñat Arnaiz
  • Alberto Iñurrategi
  • Markel Irizar
  •  Maider Unda
  • Jone Elortza
  • Ane Sanz de Galdeano
  • Sustrai Aloña Mendi

Teknikari onena

Kirol ibilbidea

Babesle onena

  • Alberto Garai
  • Aitor Zabaleta
  • Ford Mugarri

Herritarren botoa sarean

 

Lehendik aipatutako sariekin batera, aurten herritarren saria eta kirolari anonimoaren saria ere egongo dira. Horrekin, herrian kirolaren alde lan egiten dutenen lana eskertu nahi da, eta baita kirola maila apalean egiten dutenak saritu ere.

 

Izenak ondo dioen moduan, herritarrek aukeratuko dute herritarren saria nori eman. Hala,  DKSk duen blogean sartu eta bertan eman ahal izango duzue botoa, eta botoaren zergatia ere eman.

 

Beste sari batzuk 

Eurekin batera, talde onenaren saria jasoko dute Sustrai Aloña Mendi saskibaloi taldeko mutilek (hiru urtean jarraian igo dira kategoriaz), kirol ibilbidearen gaineko errekonozimendua izango da Aitor Zabaleta pilotu bergararrarendako (urteak daramatza Lola BMW autoarekin lehian, eta 2010ean ere Euskal Herriko mendiko sariko txapeldun izan da) eta teknikari onenaren saria izango da Alberto Garai kirol medikuarendako (puntako kirolari profesionalekin lan egitearekin batera, urteak daramatza ibarreko herri mailako kirolarien gaineko jarraipena egiten). Kirol babesle onenaren saria, berriz, Ford Mugarrirendako izango da. Sari horiek, eta gehiago, hilaren 21ean, Aramaion. 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak