Euskal Herritik igaroko dira hiru etapatan. 17. etapan Oyon-Peñacabarga etapa egingo dute; 19. etapan Noja-Bilbo egingo dute, eta 20. etapan Bilbo-Gasteiz. Hain zuzen, azken etapa horretan pasako dira ziklistak Debagoienetik, eta helmugarako 30 kilometroren faltan Urkiola igoko dute.
Anglirura itzulera
Azken bi ediziotan ez dute Asturiasko mendate esanguratsu hori igo, 2008an igo zuten azkenekoz, eta aurtengo edizioan berriro bueltatuko dira azken hamarkadan Vueltan mendate mitiko bilakatu den Anglirura. Horrekin batera, beste bost mendatetan izango dira etapa amaierak: Sierra Nevada, La Covatilla, La Manzaneda, La Farrapona eta Peña Cabarga mendateetan.
