Izena ematen duten guztien artean, zozketa egingo da otsailaren 25ean Zegamako udaletxean; dortsalen zerrenda hurrengo egunean, otsailak 26, argitaratuko da Zegama-Aizkorriko webgunean. Aurtengoa 10. edizioa denez, kutsu berezia eman nahi diote, gainera, antolatzaileek. Euren asmoetako bat da Zegamari eta mendizaletasunari buruzko mahainguruak antolatzea. Bestalde, hasierako ediziotik 2010era arte egin diren mendi maratoien irudiak DVD batean laburbiltzeko asmoa ere badutela adierazi dute. Horretaz gain, edizio guztietan parte hartu duten korrikalariei omenaldia egingo diete, esker ona agertzeko.