Horiek ere dagoeneko banatu dituzte etxerik etxe. Gaur eta bihar, astelehena eta martitzena, Bergaran jarriko dituzte makinak, eta Bergarako etxeetan ere ontzi bereziak banatuko dituzte.
Arrasaten, martxoa ezkero
Bailara osoan ipini dituzten makinak Arrasaten zeudenak bezalakoak dira. Eko3r enpresa kontratatu du Mankomunitateak lan hori egiteko. Arrasaten iaz otsailean jarri zituzten 11 makina eta martxoa ezkero martxan dago zerbitzua.
Sukaldeko olioa bakarrik
Banatu duten ontzi bereziak sukaldeko olioa jasotzeko bakarrik balio du. Erabiltzaileak egin behar duena da: ontzian erabilitako sukaldeko olioa bota (ez da olio beroa isuri behar) eta behin ontzia beteta dagoenean edukiontzira eraman. Makinan (irudikoa bezalakoa) dagokion lekuan sartu behar da ontzia eta makinak berak beste ontzi huts eta garbi bat itzuliko du.
Olioa birziklatuta lortzen diren ingurumen onurak dira: ura kutsatzen duen hondakinaren deuseztapena, araztutako uraren berrerabilpena, degradazioa murriztea eta dependentzia energetikoa murriztea.
Puntu berdea desagertuko da
Zerbitzu berri horrekin batera, 20011n Puntu Berde Mugikorra desagertu egingo da. Hori dela eta, Mankomunitateak herritarren laguntza eta elkarlana eskatu du. Hain zuzen, eskatu dute urtarrilean olio poteak eta bestelakoak ez uztea Puntu Berde Mugikor zerbitzua eskaintzen zen lekuetan.
Makinak herrietan
- Arrasate. 11 makina: Udala plaza, Garagartza, Maiatzaren Bata plaza, Zaldibar, Ignazio Zuloaga, Erguin, Legargain, Bedoña, Gesalibar, Musakola eta Eroski.
- Bergara. 7 makina: Osintxu auzoa, Angiozar auzoa, Merkatu plaza, Matxiategi, Zubiaurre kalea, Bolu eta Ibargarai hiribidea.
- Oñati. 5 makina: Apaolaza kalea, Lizaur kalea, Merkatu plaza, Olakua auzoa eta Portu kalea.
- Aretxabaleta. 3 makina: Gernika plaza, Nafarroa kalea eta Otalora 19 kalea.
- Eskoriatza. 3 makina: Santa Ana auzoko sarrera, Intxaurtxueta eta Aranburuzabala 54 kalea.
- Antzuola. Makina 1: Frontoi bidea.
- Elgeta. Makina 1: Berraondokoa.
- Leintz Gatzaga. Makina 1: Dorletarako bidea.