Debagoienean, orotara, lan barik zeuden 2.926 pertsona zenbatu dituzte urte amaieran. Arrasaten daude gehien –1.248–, eta Bergaran –677–, Oñatin –365– eta Aretxabaletan –301– hurrena. Horien atzetik daude zerrendan Eskoriatza –196–, Antzuola –92–, Elgeta –39– eta Leintz-Gatzaga –8–.
Tasari erreparatuz gero ere, Arrasatek jarraitzen du altuena izaten –10,79–, baina zerrendak bestelako itxura hartzen du ondoren. Kasu horretan, Antzuola dago bigarren lekuan –10,11–, Bergara hirugarrenean –9,44– eta Eskoriatza laugarrenean –9,43–; Aretxabaletan langabezia tasa 9,33 da, Elgetan 7,93, Oñatin 6,75 eta Leintz Gatzagan 6,02.
Eskualdean, oro har, iazko azarotik abendura egoera ez zen asko aldatu, apur bat hobera egin bazuen ere –9,46tik 9,44ra–. Atzerago begiratuta, iazko uztailetik jaso den daturik onena da; 9,28 zen orduko tasa.