Gastronomia eta Sukaldaritza Zientzietako Graduan interesa dutenek honako helbidean eman dezakete izena: academics.bculinary.com.
Otsailean, izena ematen dutenen artean, hautaketa prozesu bat egingo da interesatuen gaitasunak eta espediente akademikoa baloratzeko.
Graduaren helburua sukaldaritzarako profesionalak trebatzea da. Horrela, ikasleak gardua bukatzean, goi mailako zerbitzu gastronomikoak eta sukaldaritzako enpresak eta prozesuak diseinatzeko, inplementatzeko eta gainbegiratzeko gai izango dira. Horretarako, ikasleek nazioarteko irakasleak izango dituzte eta baita nazioarteko elikadura-enpresa garrantzitsuenetako profesionalak eta munduko jatetxerik onenetakoak ere.
Bestalde, Basuqe Culinary Center Mondragon Unibertsitatearen barruan dago eta unibertsitate horretako filosofiari jarraituz, prestakuntza praktikoak garrantzi handia izango du. Horrela, ikasleek lau urteetan egingo dituzte praktikak.