Sahararen aldeko elikagai bilketa atzeratu egin dute
Mireia Bikuña
2010ko abe. 29a, 14:55
Debagoieneko Bubisher, Nubi eta Iesbaa elkarteek bat egin dute Euskadiko Frente Polisarioak hartutako erabakiarekin. Hori horrela, urteko Gabonetan egindako bilketa, udaberrira arte atzeratuko dute. Saharan bizi duten egoera salatzera bideratuko dituzte euren indarrak datozen asteetan. Material bilketa noiz egingo duten aurrerago jakinaraziko dute.
Azaro hasieran Marokok Sahara mendebaldea eraso zuenetik, egoerak bere horretan jarraitzen duela salatu dute bailako hiru elkarteetako ordezkariek. "Hilketak, bortxaketak, erasoak... Egunero daude halako gertaerak, baina hedabideetan ezer gutxi jasotzen dute horren gainian. Espainiako eta Marokoko gobernuaren jarrera lotsagarria da", esan dute. Debagoieneko hiru elkarteek Saharako elkarteetatik jasotzen duten hango egoeraren berri.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.