Debagoienak populazioa galdu du azkeneko hamarkadan

Debagoienak populazioa galdu du azkeneko hamarkadan. 828 lagun gutxiago bizi gara gaur egun eskualdean 2000. urtean baino. Halere, galera ez da oso handia izan: %2koa. Gipuzkoak, ostera, populazioa irabazi du azken hamarkadan. %4ko igoera izan du, hau da, 27.893 lagun gehiago bizi gara gaur egun lurraldean orain dela 10 urte baino.

Handiek behera, txikiek gora 

Eskualdean, herriz herri ezberdina da joera. Herri handienek, Arrasatek eta Bergarak, galdu egin dute populazioa. Arrasatek, 1.707 (-%8) eta Bergarak 452 (-%3). Gainerako herri guztiek gora egin dute, bereziki Antzuolak (%14), Elgetak (%11) eta Aretxabaletak (%10) eta maila txikiagoan Eskoriatzak (%3), Oñatik (%2) eta Leintz Gatzagak (%2). 

Kostaldeak gora, barrualdeak behera 

Gipuzkoan, kostako herriek egin dute nabarmen gora eta 15.000 lagun irabazi dituzte 10 urteotan. Hiribur8 ingurukoek ere bai. Eta baita herri txikienek. Eta, kontrara, galtzaile atera dira barrualdeko ohiko herri industrialak: Eibar, Zumarraga, Arrasate, Bergara, Legazpi… 5.000 lagun gutxiago bizi da herri horietan gaur egun 2000. urtearekin alderatuta.  


2000 2010 Aldea %
Arrasate 23.718 22.011 (-%8)
Bergara 15.089 14.637 (-%3)
Oñati 10.717 10.957 (%2)
Aretxabaleta 6.101
6.700 (%10)
Eskoriatza 3.943 4.055 (%3)
Antzuola 1.896 2.161 (%14)
Elgeta 968 1.079 (%11)
Leintz Gatzaga
258 262 (%2)
Debagoiena 62.690 61.862 (%-2)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.