Kontua da, autobusen 28.000 erabiltzaile baino gehiagori, zegokiena baino gehiago kobratu zietela, abenduko lehen egunetan txartel makinetan izandako hutsegite baten ondorioz. Horrela, okerreko tarifak kobratu zitzaizkien bezeroei, bai autobusetara igotzerakoan eta baita jaisterakoan ere. 45.011 bidaia ordaindu ziren txartelaren bidez egun horietan.
Kaltetutako erabiltzaileek egunotan jasoko dute soberan kobratu zitzaien diru kopuruari dagokion bonua, etxean; Lurraldebus gaur hasi da bonuak bidaltzen.
Garraio publikoko arduradunak azaldu duenez, diru kopuru hori, txartela kargatzen den ohiko tokietara joanda karga dezakete erabiltzaileek txartelean, bonoa erakutsiz.