Bi arrazoi nagusi daude aurrekontuaren jaitsiera azaltzeko: batetik krisi ekonomikoa eta bestetik datorren urtetik aurrera Zubillagako Hiltegia ez dela gehiago Mankomunitatearen ardura izango. Hala, aurrekontutik kanpo geratzen dira Hiltegiak eragindako gastu eta irabaziak. Mankomunitateko udaletxeen ekarpena, orokorrean, %7 txikiagoa izango da.
Turismoan, erdia Mundumirarentzat
Aurrekontuaren bi heren ingurumen arloarentzat izango dira. Bertan sartzen dira besteak beste, zaborren kudeaketa, Garbiguneak eta Epeleko zabortegia.
Zerbitzu orokorretarako, bestalde, 1.145.349,38 euro erabiliko dira. Iaz baino %4,25 gutxiago.
Turismoan aldiz, erdia pertsonal gastuetarako izango da eta beste erdia, Mundumira jaialdirako. 2011an Elgetan egingo den jaialdirako 76.600 euro aurreikusten dira, aurtengo Mundumirarako baino 5.000 euro gutxiago.