Gaueko 22:30ean hasiko da Danbakako finalaurreko azken kontzertua eta talde hauek igoko dira Espaloiko taula gainera: Dark Code (Bergara), Kubers (Arrasate) eta Asfiksia (Oñati).
Musika estiloak
Bergararrek death metal melodikoa egiten dute; arrasatearrak pop-rock estilotik hurbil daude eta oñatiarrek heavy-rockari heldu diote euren abestietan. Hirurek helburu bera izango dute: finalerako txartela lortzea.
Sarrerak
Sarrerak salgai daude Goienako edozein egoitzetan eta Espaloian, baita 943 25 05 05 telefonoan ere. Prezioa 5 eurokoa da, Gaztekutxarekin erosita, berriz, 3 eurokoa.
Finalistak astelehenean
Danbakako edizio honetako finalean egongo diren hiru taldeak zeintzuk izango diren, Asteleheneko GOIENA paperean jakingo dugu.