Debagoiendar batzuen hitzak dira; hainbat banketxek merkaturatu duten swap delako produktuarengatik kaltetuta sentitzen diren debagoiendarrak. Dozena batek inguru salaketa ipini dute banketxe batzuen aurka.
Gainera, ohar bat egiten dute: "Badakigu jende askok daukala swap produktua; eta beharbada beste asko oraindik ez ziren konturatuko daukatela".
Erreportajea Goiena aldizkarian, eta Goiena Magazinea-n elkarrizketa, 19:45ean.
Swap bat "apustu" antzeko bat da: denbora epe bat hartuta, banketxeak eta bezeroak elkarri ordainketa batzuk egitera konprometitzen dira, adostutako kopuru baten gainean (adibidez, kasu gehienetan moduan, hipoteka bat). Bezeroak interes finko batzuk ordaintzen dizkio banketxeari denbora-epe horretan, eta banketxeak bezeroari interes aldagarri batzuk. Bezeroaren interes-tipoa banketxearena baino altuagoa baldin bada, banketxeak irabazten du; alderantziz baldin bada, bezeroak.
Bestalde, kontratua ezeztatzeak diru-kopuru handia ordaintzea dakar: bezeroak bi interes tipoen arteko aldea ordaindu behar du geratzen den kontratu-epe osorako. Milaka eurotara ailegatu daiteke bezeroak ordaindu beharrekoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
