Oihan Vega bergararrak zuzendutako Olentzero & Co! pop-rock musikala estreinatuko dute zapatuan Arrasateko Amaia antzokian. Asteburuan hiru emanaldi egingo dituzte aste bukaeran; zapatuan 17:00etan eta 19:30ean eta domekan 17:00etan. Sarrerak www.kutxa.net webgunean eskuratu daitezke, baina oso sarrera gutxi gelditzen dira hiru emanaldietarako ere.
Estreinaldirako sarrerak erosten dituenak gainera, Lurraldebu autobusarekin Debagoieneko edozein herritatik Arrasateko estreinaldira doan joateko aukera izango du.
Olentzero & Co! pop-rock musikalak ukito modernoa du eta denetariko musika eta dantza estiloak lantzen dira bertan: rapa, kabareta, brake-dance-a... Formatu handiko lehen euskal musikal originala da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.